WONDA TXINPANZEA

Wonda izeneko txinpanzea urteetan bizi izan zen azoka beltz bateko kaiola batean. Jean Goadall primatologoaren taldeak erreskatatu zuenean hilzorian zegoen eta guztiok hilko zela pentsatzen zuten, baina sendatzen joan zen.

Guztiz sendatuta zegoenean Kongoko oihanera eraman zuten bertan libre bizi zedin eta askatu zutenean hauxe gertatu zen. Guztiontzat agur ederra izan zen! 

"O QUE ARDE"

 

"O que arde" ("Erretzen dena")

Oliver Laxe (2019)

"O que arde" zinemaldi askotan arrakasta handia izan duen filme galiziarra da. 

Ustezko piromano baten historia kontatzen digu, gartzelatik atera eta gero bere herrira itzultzen dena. Filmeak desagertzeko zorian dagoen herri bizitza bat agerarazi egiten du, Naturari gizakiak egiten dizkion kalteak ikusten direlarik.

Ezin da galdu lehenengo eszena. Izugarria da!  

Hemen daukagu trailerra hobeto ezagutu ahal izateko.

ERAIKINEN HARRIAK-2

 

Aurreko batean esan genuen bezala, Lur eta Ingurumen Zientzien ikasleek Deustu inguruko eraikinetan erabili diren harriak ikertu ditugu. 

Hona hemen lan horren zati bat...

 1) "Hertz" (Francesc Maciá kalea, 13)

 Marmola (Harri metamorfikoa-zuria)

 2) Agirre Lehendakaria Etorbidea, 2. 

 Kareharri beltza

 3) "Nostrum" (Agirre Lehendakaria Etorbidea,2)

 Granito grisa (harri magmatiko plutonikoa)

 4) "Co-point" denda (Agirre Lehendakariaren Etorbidea, 1)

 Rapakivi granitoa

 5) "Muebles La fábrica" ( Agirre Lendakaria Etorbidea, 7-9)

 Granitoa

 6) "Prink" denda izandakoa (Agirre Lehendakaria etorbidea, 11)

 Kareharri grisa fosilekin

 7) "BBVA" (Agirre Lehendakaria Etorbidea, 15)

 Ereñoko kareharria ( Jatorri koralinoa duen kareharria da.Errudista fosilak ditu eta harrobia Ereñon dago, Bizkaian.)

 8) Agirre Lehendakariaren Etorbidea, 13. Ereñoko hareharria.

 9) "Eroski bidaiak" (Agirre Lendakaria Etorbidea, 17)

 Industrian Marmol fantasia deitutakoa, kolore anizduna delako.

10) "Ferretería Deusto" (Agirre Lehendakaria Etorbidea, 25)

Larbikita (Harri igneo plutonikoa)

11) Done Petri eleiza (Done Petri plaza)

Hareharria (Harri sedimentario detritikoa. Bikorren zatiak 2 mm eta 1/16 mm artekoak dira)

12) Deustuko frontoia. (Kareharria eta harreharria)

EKODELEGATUEN BILERA

 

Ekodelegatu berrien bilera izan dugu gaur. 

Denok ez gara izan eta gela batzuetan oraindik ez daukate ordezkaririk. 

Blog honetan gure ekintzen berri izango duzue eta norbaitek Agenda 2030eko taldean parte hartu nahiko balu gurekin jar daiteke kontaktuan, noski!.

KABIA

 

Eta saguzarra dagoen hormaren aurrean, Telefónicaren kutxaren gainean, txori baten kabia ikus dezakegu. Baina bertan ez dugu txoririk ikusten...

INSTITUTUKO SAGUZARRA

Patiora ateratzeko atearen ondoan sorpresa bat izan dugu. Bertan saguzar bat ikus dezakegu burutik behera horman eskegita.

Erraz ikusteko moduan dago, baina ez uxatu!

 

ONDDOEN GARAIA

Institutuko sarrera ondoan dagoen belardi horretan sorpresa bat aurkitu dugu gaur, bertan onddo pilo daude eta.

Norbaitek daki zein espezietakoak diren?

 

Jadanik esan digute zein espezietakoak diren: Makalen zizak (Clycocybe agerita), eta jangarriak omen dira. 

DEUSTU INGURUKO ERAIKINEN HARRIAK

Lur eta Ingurumen Zientzien ikasleek Deustu eta inguruko eraikinen harriak ikertzen ari gara klaseko lan bat egiteko. 

Guggenheim ondoan egon gara bertan erabilitako harriak ikusi ahal izateko. 
Laster gure lanaren berri emango dugu blog honetan...